Plantun de Prouvènço

Pèr coumpara dos planto d'encò nostre

Juncus jacquinii & Viola canina

Juncus jacquinii

Juncaceae

Nom en français : Jonc de Jacquin.

Descripcioun :
Lou jounc-de-Jacquin trachis en coulounìo dins li prado bagnado de mountagno. Se recounèis eisadamen à si poulìdis enflourejado negro d'ounte sorton lis estamino jauno e li long estigmato roso en viseto.

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Erbo
Taio : 10 à 30 cm
Fueio : costo paralèlo
Tipe bioulougico : Emicriptoufite
Cicle bioulougico : Planto renadivo

Gènre : Juncus
Famiho : Juncaceae

Ordre : Poales

Coulour de la flour : Negro
Petalo : 6
Ø (o loungour) flour : 6 à 7 mm
Flourido : Estiéu

Sòu : Si
Autour basso e auto : 1700 à 2800 m
Aparado : Noun
Juliet à setèmbre

Liò : Prado umido - Palun - Riéusset
Estànci : Subaupen à Aupen
Couroulougi : Artico-Aupenco
Ref. sc. : Juncus jacquinii L., 1767

Vióuleto-fèro

Viola canina

Violaceae

Autre noum : Palengo.

Noms en français : Violette des chiens, Pensée jaune.

Descripcioun :
La vióuleto-fèro o di-chin, que trachis dins li pelouso séusouso, èi pas uno di proun coumuno au nostre aleva dins lis Aup marino. Fai partido dóu group de vióuleto sènso rouseto emé de tijo qu'an de long entre-nous. Se recounèis tambèn à sis estipulo pulèu grando e dentado e à soun esperoun jaunas. Li petalo soun pas gaire acoulourido. La subsp. de Prouvènço ié dison ruppii emé soun soun esperoun que mounto.

Usanço :
Li flour de vióuleto soun manjadisso, li meiouro soun li mai perfumado, coume Viola odora o Viola suavis. Soun richo en vitamino C e A.